Sazbau am Deelsaz: Konjunktiounaladverb + finit Verb + Sujet + …

an awer: Hie war liddereg, an awer huet hien den Test gepackt.
(Oder: Hie war liddereg an hien huet den Test awer gepackt.)

Il était fainéant et pourtant il a réussi le test.

anerersäits: Engersäits ass hatt léif, anerersäits ass et och granzeg.

D’un côté elle est gentille, de l’autre côté elle est aussi grincheuse.

ausserdeem: De Cours war net gutt an ausserdeem war en deier.

Le cours n’était pas bon et en outre il était cher.

antëschent: Ufanks hu mir eis net gutt verstan an antëschent gi mir gutt eens.

Au début on ne s’entendait pas et maintenant on s’entend bien.

dobäi: Hie war ganz fäin, an dobäi hate mir gemengt, hie wier arrogant.

Il était très sympa, alors que nous pensions qu’il était arrogant.

doduerch: Hatt war ni am Cours an doduerch huet et säi Joer net gepackt.

Elle n’était jamais au cours et ainsi elle n’a pas réussi son année.

dofir: Dir hutt mir vill gehollef an dofir soen ech Iech Merci.

Vous m’avez beaucoup aidé et pour cela je vous remercie.

dogéint: D’Resultat war do, an dogéint hate mir och näischt auszesetzen.

Le résultat était là et nous n’avions rien à contester.

domat: Hien huet den Test gepackt an domat hat kee gerechent.

Il a réussi le test et personne n’avait prévu un tel succès.

duerno: Fir d’éischt hu mer Tennis gespillt an duerno si mir iesse gaang.

D’abord nous avons joué au tennis et ensuite nous sommes allés manger.

dunn: Fir d’éischt huet hie Musek gelauschtert an dunn ass hie schwamme gaang.

D’abord il a écouté de la musique et ensuite il est allé nager.

dann: Et ass net ze gleewen. Hie léiert näischt an da packt hien den Examen.

Incroyable. Il n’apprend rien et ensuite il réussit l’examen.

dorop: D’Äntwert ass richteg, mä dorop wier ech net komm.

La réponse est juste, mais jamais je ne l’aurais trouvée.

dofir: Ech kachen net gär, dofir ginn ech dacks an de Restaurant.

Je n’aime pas cuisiner, donc je vais souvent au restaurant.

dozou: Meng Kandidatur gouf ofgeleent an dozou hunn ech näischt méi ze soen.

Ma candidature a été rejetée et je n’ai plus rien à dire à ce sujet.

dowéinst: Si hu vill Suen, dowéinst kafe si sech deier Autoen.

Ils ont beaucoup d’argent, raison pour laquelle ils s’achètent des voitures chères.

deemno: Et war waarm, deemno ware vill Leit an der Schwämm.

Il faisait chaud, donc il y avait beaucoup de gens à la piscine.

engersäits: Engersäits ass hien intelligent, anerersäits mécht hie vill Dommheeten.

D’un côté il est intelligent, de l’autre côté il faisait beaucoup de bêtises.

entweder: Entweder gees du lo mat oder du bleifs eleng doheem. (Och méiglech: Entweeder du gees …)

Soit tu viens avec nous, soit tu resteras seul à la maison.

ëmmerhin: Hie war laang krank, mä ëmmerhin huet en den Exame gepackt.

Il était longtemps malade, mais après tout il a réussi l’examen.

entre-temps: Hie war laang krank, entre-temps ass hien nees gesond.

Il était longtemps malade, entretemps il est à nouveau en bonne santé.

mëttlerweil: Hie war laang krank, mëttlerweil ass hien nees gesond.

Il était longtemps malade, entretemps il est à nouveau en bonne santé.

schliisslech: Fir d’éischt huet hie gelunn, mä schliisslech huet en alles zouginn.

D’abord il a tout nié, mais finalement il a tout avoué.

säitdeem: Si hu sech zerstridden, säitdeem schwätze si net méi mateneen.

Ils se sont disputés et depuis ils ne se parlent plus.

soss: Du léiers elo, soss packs du den Test net.

Tu vas apprendre maintenant, sinon tu ne réussiras pas le test.

trotzdeeem: Hatt huet keng Suen, an trotzdeem huet hatt sech eng Auer kaf.
(oder: an hatt huet sech trotzdeem…)

Elle n’a pas d’argent et pourtant elle s’est acheté une montre.

virdrun: Um 8 Auer gi mer an de Kino, a virdru gi mer Tennis spillen.

À 8 heures nous allons au cinéma et avant nous allons jouer au tennis.

weeder: Weeder huet hie mer ugeruff, nach huet hie mat mir geschwat.
(Oder: Hien huet mer weeder ugeruff, nach huet hie mat mir geschwat.)

Il ne m’a ni téléphoné, ni il m’a parlé.

zanterhier: Si hu sech zerstridden, zanterhier schwätze si net méi mateneen.

Ils se sont disputés et depuis ils ne se parlent plus.

an zwar: Ech hunn haut e Rendez-vous, an zwar ginn ech um fënnef Auer bei den Dokter.

J’ai un rendez-vous aujourd’hui, j’irai plus exactement à 5 heures chez le médecin.